Студенттік жатақханалар

Қазақ ұлттық су шаруашылығы және ирригация университетінің Студенттер үйлеріне өтініш беру және орналасу тәртібі.

2026–2027 оқу жылы

Өтініш беру және жатақханаға орналасу

Өтініштерді қабылдау 20–28 тамыз
Жатақханаға орналасу 24–28 тамыз
Тұру ақысы 120 000 ₸
Platonus арқылы өтініш беру Ахуалдық орталыққа қоңырау шалу

Өтініш беру тәртібі

  1. Өтінішті АИС Platonus арқылы онлайн немесе Ахуалдық орталықта офлайн беріңіз: 2-оқу корпусы, 206-кабинет.
  2. Қажетті құжаттардың толық пакетін дайындап, тапсырыңыз.
  3. Ахуалдық орталық құжаттарды тексеріп, тіркейді, басым санатты анықтайды және орналасу кезегін қалыптастырады.
  4. Halyk Bank қосымшасы арқылы тұру құнының 50%-дан 100%-ға дейінгі бөлігін төлеңіз. Төлем растамасын сақтаңыз.
  5. 24–28 тамыз аралығында құжаттардың түпнұсқаларымен және жарамды медициналық анықтамамен жатақханаға орналасуға келіңіз.

Қажетті құжаттар

  • Белгіленген үлгідегі өтініш.
  • Білім алушының жеке куәлігінің 2 көшірмесі.
  • 18 жасқа толмаған білім алушылар үшін ата-анасының бірінің жеке куәлігінің көшірмесі.
  • Тұрғылықты мекенжайын растайтын құжат немесе анықтама.
  • 3×4 көлеміндегі 2 фотосурет.
  • Жатақхана ақысының төленгенін растайтын түбіртектің 2 көшірмесі.
  • 10 файлдан тұратын көк түсті папка.
  • Әлеуметтік немесе жеңілдік санатына жататынын растайтын құжаттар.

Маңызды: жатақханаға орналасу кезінде эпидемиологиялық орта туралы №27 нысандағы медициналық анықтаманы тапсыру қажет. Анықтама 3 күнге жарамды.

Басым санаттар

Төмендегі санаттарға жататын білім алушылар растайтын құжаттарын ұсынады:

  • көпбалалы немесе толық емес отбасылардан шыққан білім алушылар;
  • жетім балалар және ата-анасының қамқорлығынсыз қалған балалар;
  • жартылай жетімдер;
  • мүгедектігі бар білім алушылар;
  • ата-анасының бірінде мүгедектігі бар білім алушылар;
  • әлеуметтік қолдауды қажет ететін өзге санаттағы білім алушылар.

Студенттік жатақханалар туралы

Университетте екі Студенттер үйі жұмыс істейді: №1 — Сәтбаев көшесі, 25, 186 орын; №2 — Сәтбаев көшесі, 28Б, 516 орын.

Орындар Қазақстан Республикасы Ғылым және жоғары білім министрінің 2022 жылғы 30 желтоқсандағы №219 бұйрығына сәйкес бөлінеді. Шешімді Басқарма Төрағасы – Ректордың 09.09.2025 ж. №92 бұйрығымен құрылған арнайы комиссия қабылдайды.

Студенттерге тұру ережелері, қауіпсіздік техникасы және өрт қауіпсіздігі талаптары түсіндіріледі. Жатақханаларда студенттік кеңестер жұмыс істейді, спорттық, мәдени және тәрбиелік іс-шаралар өткізіледі.

Нормативтік құжаттар

Студенттік жатақхана туралы ереже Жатақханада тұру құны Жатақханада тұру туралы келісім үлгісі