Академиялық ПОҚ лауазымы «Ғимараттар мен құрылыстарды жобалау» және «Қала ортасының сәулеті және аумақтарды тұрақты дамыту» бағыттары бойынша

Лауазым туралы

Бұл бос лауазым академиялық лауазымдардың барлық деңгейіндегі үміткерлерге арналған — аға оқытушыдан бастап профессорға дейін (немесе оларға тең лауазымдарға). Үміткерлер өздері қалайтын лауазымды көрсетуі тиіс. Лауазымның түпкілікті деңгейін университеттің Конкурстық комиссиясы үміткердің біліктілігі, жарияланымдары және тәжірибесі негізінде айқындайды.

Міндеттер

1-бағыт: Ғимараттар мен құрылыстарды жобалау

• Ғимараттар мен құрылыстарды жобалау, құрылыс конструкциялары, сәулет-құрылыс жобалауының негіздері, құрылыс физикасы және басқа да бейінді пәндерді бакалавриат және магистратура деңгейлерінде оқыту.
• Ғимараттар мен құрылыстарды жобалау бойынша білім беру бағдарламаларының мақсаттарына сәйкес пәндердің жұмыс бағдарламалары мен оқу материалдарын әзірлеу және үнемі жаңарту.
• Пәндердің мазмұнын BIM Level 2/3, параметрлік жобалау, цифрлық құжаттама, визуализация, энергия тиімділігі және тұрақты құрылысқа қатысты заманауи тәсілдерді ескере отырып жаңарту.
• Ғимараттарды жобалау, BIM-жобалау, энергия тиімді және экологиялық шешімдер тақырыптары бойынша курстық, бітіру және магистрлік жұмыстарға жетекшілік ету.
• Университеттің цифрлық жобалау, BIM, тұрақты және энергия тиімді құрылыс саласындағы ғылыми-зерттеу және/немесе қолданбалы жобаларына қатысу.

2-бағыт: Қала ортасының сәулеті және аумақтарды тұрақты дамыту

• Қала ортасының сәулеті, қоғамдық кеңістіктерді жобалау, аумақтарды абаттандыру, ландшафтты ұйымдастыру, тұрақты даму және климатқа бейімделген жобалау бойынша пәндерді оқыту.
• Ыңғайлы қалалық инфрақұрылым мен тұрақты урбанистикаға қатысты заманауи тәсілдерді біріктіре отырып, оқу бағдарламаларын әзірлеу және жаңарту.
• Қала ортасы, мастер-жоспарлау және тұрақты даму тақырыптары бойынша курстық, бітіру және магистрлік жұмыстарға жетекшілік ету.
• Қалалық жоспарлау, абаттандыру және аумақтарды тұрақты дамыту бойынша қолданбалы және ғылыми-зерттеу жобаларына қатысу.

Талаптар

Требования

Білімге қойылатын талаптар

• Құрылыс, инженерлік-құрылыс, сәулет-құрылыс мамандықтары немесе сәулет, урбанистика, қала ортасын дизайндау немесе соған жақын бағыттар бойынша PhD дәрежесінің немесе баламалы дәреженің болуы.
• Диссертацияның, жарияланымдардың, оқытылатын пәндердің және кәсіби тәжірибенің тақырыбы жоғарыда аталған бағыттардың біреуімен байланысты болса, жақын білім қабылдануы мүмкін.
• Осы құзыреттер негізінде жоғары білімнің барлық деңгейінде сапалы оқыту және студенттерге басшылық жасау қабілеті

Өтілге қойылатын талаптар

• Университеттің ішкі құжаттарында және Қазақстан Республикасының қолданыстағы заңнамасында профессор / қауымдастырылған профессор (доцент) лауазымдарына қойылатын талаптарға сәйкес ғылыми-педагогикалық өтіл.

Языковые требования

Ағылшын тілін білу артықшылық болып табылады.

Артықшылықтар

«Ғимараттар мен құрылыстарды жобалау» бағыты бойынша

Негізгі кәсіби құзыреттер

• Құрылыс механикасының негіздерін және құрылыс конструкцияларын есептеуді білу.
• Қазақстан Республикасының қолданыстағы құрылыс нормалары мен ережелерін білу.
• Тұрғын үй және қоғамдық ғимараттарды жобалау мен конструктивтік шешімдерді түсіну.
• Жобалық және жұмыс құжаттамасын әзірлеу және рәсімдеу тәжірибесі.

Қосымша

• Тиісті курстарды оқыту үшін жеткілікті деңгейде BIM ортасында (Revit, ArchiCAD, Navisworks немесе соған ұқсас) жұмыс істеу қағидаттарын түсіну.
• Параметрлік жобалау құралдарын (Dynamo, Grasshopper) білгені жөн.
• Жасыл және энергия тиімді құрылыс, LEED және BREEAM саласындағы қызығушылық және/немесе тәжірибе.
• Smart Buildings, Digital Twin Building және Construction Analytics қағидаттарын білу.

«Қала ортасының сәулеті және аумақтарды тұрақты дамыту» бағыты бойынша

Негізгі кәсіби құзыреттер

• Ыңғайлы қала ортасын, қоғамдық кеңістіктерді қалыптастыру және аумақтарды абаттандыру қағидаттарын түсіну.
• Тұрақты урбанистика, климаттық бейімделу және экологиялық жобалау қағидаттарын білу.
• Нақты қалалық жобалармен және мастер-жоспарлармен жұмыс тәжірибесі (ерекше бағаланады).
• Ландшафттық сәулет пен аумақтық жоспарлау қағидаттарын түсіну.
• Қалалық жоспарлау үшін цифрлық визуализация құралдарын және геоақпараттық жүйелерді (GIS) білу.

Іріктеу процесі

Іріктеу процесі әңгімелесуден, оқу курсын таныстырудан және жоспарланған ғылыми жұмысты ұсынудан тұрады

Құжаттар

• Жарияланымдар тізімі көрсетілген түйіндеме (CV);
• ғылыми және педагогикалық қызығушылықтарды сипаттайтын мотивациялық хат (1 беттен аспайтын);
• дипломдардың және ғылыми дәреже беру туралы куәліктердің көшірмелері;
• болған жағдайда — ғылыми жобалар мен гранттар тізімі, сондай-ақ магистранттар мен докторанттарға басшылық жасау туралы мәліметтер.