Қазақ ұлттық су шаруашылығы және ирригация университетіне қарасты 2 Студенттер үйі бар.
- №1 (Сәтбаев 25) Студенттер үйі – 186 орын,
- №2 (Сәтбаев 28 Б) Студенттер үйі – 516 орынмен қамтылған.
Студенттік жатақханаға орналасу Жоғары және (немесе) жоғары оқу орнынан кейінгі білім беру ұйымдарының жатақханаларындағы орындарды бөлу қағидаларын бекіту туралы Қазақстан Республикасының Ғылым және жоғары білім министрінің 2022 жылғы 30 желтоқсандағы № 219 бұйрығына сәйкес ұсынылады. Студенттік жатақханалардағы орындарды бөлу арнайы құрылған комиссия (Басқарма төрағасы- Ректордың № 92, 09.09.2025ж. бұйрығы) отырысында қарастырылады.
Конкурстық комиссия жатақханалардағы орындарды бөлуді негіздемелер мен кезектілікті ескере отырып, мынадай тәртіппен жүзеге асырады:
Ең бірінші орында мүгедектер қатарынан мүмкіндігі шектеулі адамдар; бала кезден мүгедектер; І және ІІ топтағы мүгедектер; мүгедек балалар; жетім балалар және ата-аналарының қамқорлығынсыз қалған балалар; ата-анасының екеуінде де немесе бірінде мүгедектігі барлар; ауыл жастары қатарынан шыққан, ауылдың әлеуметтік-экономикалық дамуын айқындайтын мамандықтарға оқуға түскен адамдар; сондай-ақ ҚР азаматтары болып табылмайтын «оралмандар»; «Алтын белгі» иегерлері болып табылатын бірінші курсқа қабылданған білім алушылар; ҰБТ қорытындылары бойынша жоғары балл жинаған мемлекеттік білім беру гранты бойынша оқуға қабылданған бірінші курс білім алушылары қамтамасыз етіледі.
Жатақханаға орналасқан әр студентке «Жатақханада тұратын студенттердің міндеттері мен құқықтары» екі тілде түсіндіріліп, оларға жеке-жеке әр студенттің қолына ереже (памятка) беріліп, студенттерге Жатақханада тұру қауіпсіздігін сақтау мақсатында техника қауіпсіздігіне, өртке қарсы бағытталған кездесулер ұйымдастырылды.
Студенттік жатақханада тұратын студенттермен әлеуметтік-психологиялық ахуал зерделеніп, студенттердің денсаулығы мен қауіпсіздігін қамтамасыз ету мақсатында «Сауран» МО тарапынан алғашқы көмек жәшігі қажетті медициналық құралдар мен дәрі-дәрмектермен толықтырылып тұрады.
Студенттер үйінің тұрғындары ғаламтор ресурстарын қалыпты қолдану және спорттық-мәдени іс-шаралармен айналысу мүмкіндіктеріне ие. Студенттер жатақханаларында Студенттік кеңестері мен Студенттік старостаттарының да жұмыстары тиімді ұйымдастырылуда. Жатақхана студенттері уақыттарын тиімді пайдалану мақсатында түрлі патриоттық, рухани, салауатты өмір салтын насихаттайтын іс шаралар ұйымдастырылады.
