«Қазақ
ұлттық су шаруашылығы және ирригация университеті» КЕАҚ басқарма мүшесі
– ғылым және цифровизация жөніндегі проректоры бос лауазымына
орналасуға конкурс
«Қазақ ұлттық су шаруашылығы және ирригация университеті»
коммерциялық емес акционерлік қоғамының Директорлар кеңесі «Қазақ ұлттық
су шаруашылығы және ирригация университеті» КЕАҚ басқарма мүшесі –
ғылым және цифровизация жөніндегі проректоры бос лауазымына орналасуға
конкурс жариялайды.
Қызметінің негізгі нысаны жоғарғы білім беру қызметін
ұйымдастыру, жаратылыстану және техникалық ғылымдар саласындағы
ғылыми-зерттеу және тәжірибелік-конструкторлық жұмыстар саласындағы
саясатының негізгі бағыттарын әзірлеу болып табылады.
Қызметінің негізгі мақсаты су ресурстары саласындағы
мемлекеттік бағдарламаларды іске асыруды ғылыми қамтамасыз ету және
қолдау, кәсіптік жоғары және жоғары оқу орнынан кейінгі білімнің барлық
деңгейлерінде тиісті кадрларды даярлау болып табылады.
Конкурсқа қатысушыларға қойылатын талаптар:
- жоғары және жоғары оқу орнынан кейінгі білімнің болуы;
- ғылыми дәрежесінің болуы (ғылым кандидаты, ғылым
докторы, философия докторы (PhD), бейіні бойынша доктор немесе философия
докторы (PhD) академиялық дәрежесі, бейіні бойынша доктор);
- ұлттық ғылыми кеңестер құрамында жұмыс тәжірибесінің болуы;
- гранттық қаржыландырудың ағымдағы немесе аяқталған
ғылыми жобаларының немесе нысаналы қаржыландыру бағдарламасының немесе
коммерцияландыру жөніндегі жобалардың немесе «Жас ғалым» жобаларының
ғылыми жетекшісі ретінде жұмыс тәжірибесінің болуы;
- білім беру ұйымдарында және (немесе) тиісті салалардағы уәкілетті
органдарда басшылық лауазымдарда кемінде 5 жыл жұмыс өтілінің немесе
гидрология, гидротехникалық құрылыстарды пайдалану, мелиорация,
ирригация, су ресурстарын басқару, су шаруашылығы объектілерін басқару
және су беру, экологиялық жобалау бағыттары бойынша өндірісте немесе
ғылыми мекемелерде кемінде 10 жыл жұмыс тәжірибесінің болуы (су), жерді
қашықтықтан зондтау.
Конкурсқа келесі тұлғалар қатыса алмайды:
- жиырма бес жасқа толмағандар;
- бұрын сыбайлас жемқорлық құқық бұзушылық жасаған;
- өтелмеген немесе алынбаған сот шешімі бар;
- арнайы медициналық мекемелерде тіркелген;
- Қазақстан Республикасының заңнамасында көрсетілген өзге де жағдайлар.
Конкурсқа қатысуға үміткер келесі құжаттарды қағаз және электронды түрде ұсынады:
- өтініш;
- Конкурсқа қатысушының жеке басын куәландыратын құжаттың көшірмесі;
- 3х4 түсті фотосуреті бар қатысушының еңбек жолы;
- салыстыру үшін түпнұсқаларын ұсына отырып, білімі туралы құжаттардың көшірмелері және оларға қосымшалар:
- - «Болашақ» халықаралық стипендиясының иегерлері –
Қазақстан Республикасының азаматтарына шетелдік жоғары оқу орындары,
ғылыми орталықтар мен зертханалар берген, сондай-ақ халықаралық шарттың
(өзара келісім мен шарттың) күшіне енетіндерін қоспағанда, білім беру
саласындағы уәкілетті орган берген осы білім туралы құжаттарды тану
немесе нострификациялау туралы куәліктердің көшірмелері. Қазақстан
Республикасы азаматтарының шетелдік білім беру ұйымдарында алған білімі
туралы құжаттардың көшірмелері;
- - «Болашақ» халықаралық стипендиясының иегерлеріне
берілген білім туралы құжаттардың көшірмелеріне «Халықаралық
бағдарламалар орталығы» акционерлік қоғамы берген Қазақстан Республикасы
Президентінің «Болашақ» халықаралық стипендиясы бойынша оқуды аяқтағаны
туралы куәліктің көшірмесі қоса беріледі;
- - білім беру саласындағы уәкілетті орган берген осы
білім туралы құжаттарды тану туралы куәліктердің көшірмелері өзара тану
және баламалылық туралы халықаралық шарттың (келісімшарттың) талаптарына
сәйкес келетін білім туралы құжаттардың көшірмелеріне қоса беріледі;
- жұмыс орны бойынша кадр қызметі (ағымдағы немесе соңғы) куәландырған еңбек қызметін растайтын құжаттың көшірмесі;
- Қазақстан Республикасы Денсаулық сақтау
министрінің міндетін атқарушының 2020 жылғы 30 қазандағы № ҚР
ДСМ-175/2020 (Қазақстан Республикасының Әділет министрлігінде 2020 ж. №
21579 болып тіркелген) бұйрығымен бекітілген Денсаулық сақтау
ұйымдарының бастапқы медициналық құжаттама нысандарына сәйкес № 075/у
нысандағы денсаулық жағдайы туралы медициналық анықтама (дәрігердің
консультативтік қорытындысы), құжаттарды тапсырған күннен бастап алты
айдан аспайтын мерзімде берілген;
- мемлекеттік көрсетілетін қызметтер туралы
заңнамаға сәйкес құжаттарды тапсырған күнге дейін бір жылдан аспайтын
мерзімде берілген жүйке-психикалық ұйымның анықтамасы;
- мемлекеттік көрсетілетін қызметтер туралы
заңнамаға сәйкес құжаттарды тапсырған күнге дейін бір жылдан аспайтын
мерзімде берілген наркологиялық ұйымның анықтамасы;
- қылмыстық заңнамаға сәйкес лауазымды атқаруға
тыйым салудың жоқтығын растайтын құжат. Тиісті мемлекеттік органдар
шектеу іс-шараларын жүзеге асырған, төтенше жағдай енгізілген,
әлеуметтік, табиғи және техногендік сипаттағы төтенше жағдайлар
туындаған жағдайларда көрсетілетін қызметті алушылар/Конкурсқа
қатысушылар 7, 8 және 9-тармақшаларда көрсетілген құжаттарды ұсынбайды.
Конкурсқа қатысуға өтініш білдірген тұлғалар білімі, жұмыс тәжірибесі,
кәсіби деңгейі мен беделіне қатысты қосымша ақпаратты (біліктілігін
арттыру туралы құжаттардың көшірмелері, мінездемелері, ұсыныстары,
ғылыми жарияланымдары және олардың кәсіби қызметі мен біліктілігін
сипаттайтын басқа да мәліметтер) ұсына алады.
Конкурстың өтетін күні мен
орны қосымша хабарланады. Конкурсқа қатысу үшін құжаттарды қабылдау
хабарландыру жарияланған күннен бастап күнтізбелік 10 (он) күн ішінде
жүзеге асырылады. Құжаттар белгіленген мерзімде мына мекенжайға
тапсырылуы тиіс: Тараз қ., Қаныш Сәтбаев көш., 28, бас ғимарат, 213
кабинет, тел. +7 (726) 250 5017, +7 707 171 32 47.
